معلومات عن اماكن التخييم - كوخ خشبي بمدينة خنيفرة - المغرب

 

- اليوم سنتحدث لكم عن واحدة من اهم الرياضات الذهنية ان لم تكن الأهم على الإطلاق والتي هي رياضة الشطرنج ، كتجربة شخصية والله العظيم عمري شفت شي رياضة كتربي الدري الصغير انه يكون مهذب و كيفكر ألف مرة قبل ميتاخذ الخطوة ديالو كثر من الشطرنج ، و اندوي ليكم من منطلق التجربة ديالي لي لاحظتها فالأخ الأصغر ديالي انه كان مشاغب لأقصى درجة و كان مهمل للدراسة ديالو و جميع الكوارث دارها رغم انني دويت معاه مرارا و تكرارا ولكن والو ، الى حين انني فكرت ندخلو لنادي ديال الشطرنج و اقسم بالله حتا دري تغير و لواحد الدرجة كبيرة رغم انه باقي فيه شوية ديال ضسارة كأي دري صغير فالسن ديالو ولكن مابقاش مهمل لدراسة ولا كيتعامل بهدوء مع اي موقف و هادشي لاحظتو من بعد شهر من دخوله النادي ، و اهم حاجة لاحظتها هي انه معمري شفت شي لاعب شطرنج مبلي بلگارو ولا بأي نوع من المخدرات ولا بأي حاجة خايبة ، داكشي علاش هاد الرياضة كتهذب النفس و كتربيك و اهم حاجة ان الدري كتولي عندو الروح التنافسية ..

لذلك هذه نصيحة لأي واحد هنا سوا عندك خوك صغير ولا ولدك ولا بنت ولا ختك مضيعش الفرصة قلب على اي نادي دشطرنج و اهم حاجة هي المواظبة و اختيار النادي المناسب سول قبل متسجل ولدك ولا بنتك والله ولي التوفيق .